Ал калкка жайкы айларда алдын ала көмүр сатып алууну сунуштады. «Сатуу башталышы июль жана август айларына туура келет. Алдын ала сатып алуу кезектерди жана кышкы аба ырайы менен байланышкан көйгөйлөрдү алдын алууга жардам берет», - деп кошумчалады ал.
Мындан тышкары, Садыралиев көмүрдү туура сактоо чоң мааниге ээ экенин белгиледи. Эгер көмүр жабык жана нымдан корголгон жерде сакталса, анын сапаты жогору бойдон калат. Бирок, ачык абада сактоо жамгыр жана күндүн нурунун таасиринен улам анын жарым-жартылай бузулушуна алып келиши мүмкүн.
