Кыргызстанда мамлекеттик башкарууну жакшыртуу үчүн жасалма интеллект борбору түзүлүүдө. Бул тууралуу «Биринчи радио» аркылуу санариптик өнүгүү жана инновациялык технологиялар министри Азамат Жамангулов билдирди.
Ал жасалма интеллект ар түрдүү тармактардагы маселелерди тез арада чечүү үчүн күчтүү каражат экенин белгиледи.
«Учурда жасалма интеллект ар түрдүү тармактардагы чакырыктарга тез жооп берүү мүмкүнчүлүгүн берет. Борбор мамлекеттик процесстерди башкарууну оптималдаштыруу жана натыйжалуулугун жогорулатуу үчүн зарыл, андан соң социалдык маселелерди чечүүгө жардам бере баштайт», - деп кошумчалады министр.
Жамангулов ошондой эле учурда бул ири долбоорду ишке ашыруу үчүн инвестиция тартуу максатында жетекчи эл аралык компаниялар менен активдүү сүйлөшүүлөр жүрүп жатканын билдирди.
