Бишкекте, 21-мартта саат 15:00дө, Ч. Айтматов атындагы Мамлекеттик улуттук орус драма театрында пенсионерлер үчүн «Айтматов» спектакли акысыз көрсөтүлөт. Бул тууралуу театрдын басма сөз кызматы билдирет.
«Биз сиздин коомго кошкон салымыңыз үчүн ыраазычылык билдирип, ушул майрамдык күнү унутулгус таасирлерди тартуулаганы жатабыз. Нооруз майрамынын урматына биз «Айтматов» спектаклинин кайрымдуулук көрсөтүлүшүн уюштурабыз. Бул улуу жазуучунун чыгармачылыгына чөмүлүп, биздин актерлордун чеберчилигин көрүү үчүн мыкты мүмкүнчүлүк», - деп айтылат театрдын билдирүүсүндө.
«Биз бул иш-чарада сизди күтүп жатабыз, майрамдын кубанычын бирге бөлүшүп, оң эмоцияларды алууга», - деп кошумчалашты театрдын өкүлдөрү.
Спектакль режиссер Вячеслав Виттих тарабынан коюлган.
Инсценировкасын Артем Бруно даярдаган.
Постановкада театрдын бардык труппасы катышууда.
Спектаклдин узактыгы 1 саат 20 мүнөт, антрактсыз.
