Жолугушууда негизги көңүл фасоль соодасына, анын ичинде кыргыз фасолунун Түркия рыногуна экспортун кеңейтүү мүмкүнчүлүктөрүнө жана айыл чарба продукциясы боюнча туруктуу соода байланыштарын өнүктүрүүгө багытталды. Ошондой эле, Кыргызстандын өндүрүш потенциалын жогорулатуу жана экспорттолгон товарлардын сапатын жакшыртуу максатында инвестицияларды тартуу боюнча идеялар талкууланды.
Түркия тарап фасоль жеткирүүлөрүнүн көлөмүнө продукциянын сапаты, дан өлчөмү, дүйнөлүк баа тенденциялары жана башка аспектилер сыяктуу факторлор таасир этерин белгилешти.
Тараптар кыргыз өндүрүүчүлөр менен түрк импортчуларынын ортосунда түз бизнес байланыштарын түзүүнүн маанилүүлүгүн баса белгилешти, бул продукциянын сапатын жогорулатууга жана өндүрүш процессинин натыйжалуулугун арттырууга көмөктөшөт. Мындан тышкары, Түркиянын урук өндүрүүчүлөр союзунун менен кызматташуу урук материалдарынын сапатын жакшыртуунун маанилүү кадамы катары белгиленди.
Талкуунун жүрүшүндө кыргыз өндүрүүчүлөрү менен түрк импортчулары үчүн B2B жолугушууларды уюштуруу идеясы да пайда болду.
