Анын пикири боюнча, мындай процесстер ачык талкууну талап кылат.
«Жаңы эффективдүү контрол механизмдерин ишке ашырууда бизнестин айрым протесттери пайда болот. Адатта, алар мындай инициативаларды колдоого шашылбайт», — деп белгиледи ал.
Акматов ошондой эле, кооптонуулардын бир бөлүгү объективдүү себептерге ээ экенин, бирок негизсиз дооматтар да кездешээрин айтты.
«Албетте, реалдуу кооптонуулар бар. Бирок негизсиз кооптонуулар да бар, айрыкча, базардагы айрым катышуучулардын толук ачыктыкта иштегиси келбегенине байланыштуу», — деп кошумчалады ал.
Ал 2023-жылы Кыргызстанда сыра үчүн акциздик марка киргизилгенин эске салды. Ошол учурда жергиликтүү өндүрүүчүлөр бул инициативага каршы чыгышкан, маркировка керек эмес деп билдиришкен. Бирок киргизилгенден эки жыл өткөндөн кийин бул тармакта көрсөткүчтөр үч эсе өскөн.
Акматовдун айтымында, кант камтыган ичимдиктер үчүн маркировка киргизилгенде да окшош кырдаал болгон. Өндүрүүчүлөр жана импортчулар бул чараны ашыкча деп эсептеп, нааразычылык билдиришкен, бирок кийинчерээк жыл сайын легалдуу жүгүртүүнүн жана салык түшүүлөрүнүн өсүшү байкалган.
Ал ошондой эле, азыркы учурда майлоочу материалдар рыногунда да окшош процесстер байкалууда, легалдуу сатуу көлөмдөрү көбөйүүдө жана бюджетке түшүүлөр өсүүдө.
