3-марттан 7-мартка чейин Кыргыз Республикасынын Г. Айтиева атындагы улуттук сүрөт искусствосу музейи жазгы мектеп каникулдарына жана Эл аралык аялдар күнүнө арналган уникалдуу маданий-билим берүү программасын уюштурат. Бул тууралуу Маданият министрлигинин билдирүүсүндө айтылды.
Бул жума ичинде ар түрдүү чыгармачылык мастер-класстар, сүрөт искусствосунун тарыхына арналган лекциялар, ошондой эле темалык жана жалпы экскурсиялар пландалган. Бул программа мектеп каникулдарын балдар жана алардын үй-бүлөлөрү үчүн кызыктуу жана билим берүүчү кылууга багытталган.
Музей бардык балдарды, ата-энелерди жана искусствонун күйөрмандарын маданият жана чыгармачылык атмосферасына чөмүлүп, майрамдык күндөрдү өткөрүүгө чакырат.
