Натыйжада, бул аймактарга дүйнөнүн ар кайсы бурчтарынан учуулар токтоду. Авиакомпаниялар жаңы маршруттарды иштеп чыгууда, аэропорттор өз операцияларын күчөтүүдө. «Кыргызстандын аэропорттору» ААК өкүлдөрү борбордук аэропорттогу учурдагы кырдаал тууралуу маалымат бөлүштү.
Төрт авиакомпания БАЭ, Саудия Аравиясы жана Кувейтке болгон рейстерин токтотту
Ирандагы кырдаалдын курчушу менен байланыштуу, «Манас» Эл аралык аэропортунан төмөнкү багыттар боюнча рейстер убактылуу токтотулду:
- G9312 / G9313 - Шарджа (Air Arabia) — 5 жолу жумасына
- XY697 / XY698 - Джидда (FlyNas) — 3 жолу жумасына
- J9675 / J9676 - Кувейт (Jazeera Airways) — 5 жолу жумасына
- FZ1689 / FZ1690 - Дубай (Flydubai) — 7 жолу жумасына
Компаниянын маалыматы боюнча, аэропортко болгон жүктөм дээрлик өзгөргөн жок, калган пландалган рейстер график боюнча уланууда.
Кээ бир эл аралык рейстердин убактылуу токтотулушуна карабастан, жалпы жүргүнчү агымы жана иш-аракеттердин деңгээли адаттагыдай болуп калууда.
Иллюстративдик сүрөт, Булагы - pixabay.com
Жүргүнчүлөргө көңүл бурууну сунушташат
Учурдагы окуяларга байланыштуу, жүргүнчүлөргө авиакомпаниялардын жана аэропорттун расмий сайттарында өз рейстеринин статусун текшерүүнү, ошондой эле аэропортко баруудан мурун учуу же келүү убактысы тууралуу маалыматты алдын ала тактоону сунушташат.
Рейс токтотулса, жүргүнчүлөр авиакомпанияга же билет сатып алынган жерге кайрылып, акчаны кайтаруу же башка күндөргө кайра брондоо үчүн жардам сурашы керек.
// Turmush
Рейстердин санынын азайышы аэропорттордун кирешесине таасир этет
Авиакомпаниялардын активдүүлүгүнүн төмөндөшү, аба маршруттарындагы өзгөрүүлөр жана рейстердин убактылуу токтотулушу Кыргызстандагы аэропорттордун, анын ичинде «Манас» Эл аралык аэропортунун кирешесине терс таасир этет.
Рейстердин санынын кыскарышы киреше боюнча төмөнкү статьяларга таасир этет:
- аба навигациялык жыйымдар,
- аба кемелерин тейлөө кызматтары,
- жүргүнчү кызматтары.
Ошол эле учурда, жалпы экономикалык таасир көптөгөн факторлорго, анын ичинде өзгөрүүлөрдүн жыштыгына, авиакомпаниялардын аракеттерине жана жүргүнчү агымдын динамикасына көз каранды.
Иллюстративдик сүрөт
Коопсуздук биринчи орунда
Мындай шарттарда аэропорттор рейстердин токтотулушуна жана маршруттардын өзгөрүшүнө таасир кыла албайт, анткени бул чечимдер авиакомпаниялар жана аймактагы авиациялык регуляторлор тарабынан кабыл алынат.
«Биз авиаперевозчиктер жана авиациялык өнөктөштөр менен маршруттук тармакты стабилдештирүү жана аэропортторго мүмкүн болгон финансылык таасирди минималдаштыруу үчүн кызматташуудабыз. Жүргүнчүлөрдүн жана экипаждардын коопсуздугу — биздин негизги приоритет», - деп белгилешти компаниядан.
