Ысык-Көл облусунда «Ала-Тоо Резорт» аттуу масштабдуу тоо-шаңгы кластеринин курулушу активдүү жүрүүдө. Бул долбоор жыл бою колдонууга ылайыкташкан, жаңы туристтик багытты түзүү, көптөгөн жумуш орундарын камсыз кылуу жана өлкөнүн эл аралык кызыктуулугун жогорулатуу максатын көздөйт. Бул тууралуу президент Садыр Жапаров республикалык жыйында билдирди.
Президент: «120 километр узундуктагы «Жыргалан» тоо-шаңгы курортунун курулушунун биринчи этабы ушул жылдын декабрь айында башталат», - деп белгиледи.
2025-жылга карата жыйынтык жыйын «Ынтымак Ордо» комплексинде президент Садыр Жапаровдун катышуусунда өттү.
Иш-чарада ошондой эле министрлер кабинетинин мүчөлөрү, мамлекеттик мекемелердин жетекчилери, президенттин облустардагы ыйгарым укуктуу өкүлдөрү, Бишкек жана Ош шаарларынын мэрлери, ошондой эле райондордун акимдери катышты.
