Туманбаевдын айтымында, жаңы каттоо форматы узун кезектерден качууга жана бардык процедураларды алыстан өтүүгө мүмкүнчүлүк берет. Ошондой эле документтерди жана номердик белгилерди түздөн-түз үйгө жеткирүү кызматын киргизүү пландалууда.
«1-апрелден баштап, сиз «Унаа» мекемесине мамлекеттик номердик белгилерди жана техникалык паспортту алуу үчүн гана келишиңиз керек. Азыркы учурда «бирдиктүү терезе» принциби иштеп жатат», — деди ал мекемеде болгон жарандар менен сүйлөшүп.
Мындан тышкары, Туманбаев жаңы имараттын курулуш процессин тааныштырып, финансылык маселелерди чечүүнү тапшырды. Ал жаңы имарат быйыл пайдаланууга берилерин баса белгиледи.
