Ал ОСАГО унаа айдоочусунун жол кыймылынын башка катышуучуларына болгон жоопкерчилигин коргой турганын белгиледи.
«ОСАГО — бул үчүнчү жактарга болгон жоопкерчиликти камтыган камсыздандыруу. Эгерде айдоочу ЖКК (жол кырсыгы) үчүн күнөөлүү болуп калса, камсыздандыруу компаниясы жабыр тарткандарга, алардын мүлкү, өмүрү же ден соолугуна келтирилген зыянды төлөп берет», — деп түшүндүрдү ал.
Бирок, күнөөлүү тараптын өз унаасына келтирилген зыян ушул полис менен жабылбайт.
ОСАГОдон айырмаланып, КАСКО, өз ыктыяры менен камсыздандыруу түрү катары, ээсинин транспорт каражатын коргоону камсыздайт.
«КАСКО — бул өз мүлкүн камтыган камсыздандыруу формасы. Эгер унаа ЖККнын натыйжасында, күнөөлүүлүккө карабастан, же башка себептерден улам зыянга учураса, ээсинин камсыздандыруу төлөмүн алуу укугу бар», — деп кошумчалады Турумбеков.
Ал ошондой эле КАСКО кеңири спектрдеги коркунучтарды камтыганын, анын ичинде ЖККдан, үчүнчү жактардын аракеттеринен, предметтердин кулашынан жана башка кырдаалдардан келип чыккан зыяндарды, бул болсо полистин баасына таасир этээрин белгиледи.
«ОСАГО милдеттүү камсыздандыруу түрү болуп саналат, ал эми КАСКО ыктыярдуу негизде түзүлөт жана унаа ээсине кошумча финансылык коргоону камсыздайт», - деп белгиледи директор.
