Текшерүү учурунда мэр Джунушалиев көлдүн жээгин камыштан тазалоону жана көрктөндүрүү иштерин улантууну тапшырды. Азыркы учурда суу жээгинен 20 тоннадан ашык таштанды чыгарылды.
Свердлов районунун администрациясына, ошондой эле Муниципалдык менчик башкармалыгына жана башка кызматтарга жол курууга даярдыкты активдештирүү зарылдыгы белгиленди, анын ичинде долбоорду ишке ашырууга тоскоол болгон мыйзамсыз объектилерге каршы чараларды көрүү тапшырылды.
Ошондой эле мэрия муниципалдык инспекцияга жашыл зоналардагы унааларды токтотуу маселесине көңүл бурууну жана тиешелүү чараларды кабыл алууну тапшырды.
Профильдик кызматтарга базар аймагында көп деңгээлдүү токтотуучу жайларды түзүү мүмкүнчүлүгүн изилдөө сунушталды жана өз алдынча иштеп жаткан объектилерди аныктоо боюнча иштерди жүргүзүү тапшырылды.
Мындан тышкары, мэр Аламедин-1 микрорайонунда жайгашкан «Динар» жана «Чынар» базарларына барды. Ал «Динар» базарынын ижарачысына тротуарларды калыбына келтирүүнү жана шаардыктар үчүн жеткиликтүү кылууну тапшырды. Свердлов акимиатына тротуарларды асфальттоо жана аймакты жашылдандыруу маселесин карап чыгуу тапшырылды.
Жер пайдаланууну көзөмөлдөө башкармалыгына мамлекеттик санитардык-эпидемиологиялык көзөмөл борбору менен биргеликте санитардык нормаларды сактоо жана объектилердин мыйзамдуулугун текшерүү, ошондой эле зарыл болсо демонтаждоо иштерин баштоо сунушталды.
Сатуучүлөр менен болгон жолугушууда мэр базарлардагы бардык аракеттер Кыргыз Республикасынын мыйзамдарына ылайык жүргүзүлөрүн баса белгиледи.
Текшерүүнүн жыйынтыгы боюнча Айбек Джунушалиев Свердлов районунун башчысына, Муниципалдык менчик башкармалыгынын жетекчисине жана Жол транспорттук инфраструктурасын өнүктүрүү департаментинин директоруна нааразычылыгын билдирди. Район башчысы базарларды көрктөндүрүүнү жеке көзөмөлгө алууга жана аймактарда тартипти камсыз кылууга милдеттүү.
