Президент Садыр Жапаров «Ала-Арча» улуттук жаратылыш паркында жаңы канаттуу жолдун ачылышы учурунда, бул долбоордун аякташы парктын мурда жеткиликтүү болбогон бөлүктөрүнө кирүүгө мүмкүнчүлүк берет деп билдирди.
Мамлекет башчысы экинчи этаптын курулушу контролдук өткөрүү пунктунан башталып, парктын эң кооз жана жеткиликтүү эмес жерлерине 12 чакырымды камтый турганын белгиледи.
«Экинчи этаптын канаттуу жолунун ишке ашырылышы «Ала-Арча» комплексинин өнүгүшүн улантууга мүмкүндүк берет. Долбоор аяктагандан кийин, жергиликтүү тургундар жана чет элдик туристтер кыргыз тоолорунун уникалдуу табиятынан ырахат алып, алардын кооздугун баалап, Кыргызстанды жаңы көз караш менен ачышат», – деди президент.
Ал ошондой эле, бул чаралар өлкөнүн туристтик мүмкүнчүлүктөрүн кеңейтүүдө маанилүү кадам экенин баса белгиледи.
