Касымалиев Ош—Кара-Суу жолунун курулушунун жүрүшүн жеке көзөмөлдөп көрдү.
«Проект төрт тилкелүү жолду камтыйт, бул жол кыймылынын коопсуздугун жогорулатып, тыгындарды азайтууга мүмкүндүк берет. Учурда республикалык бюджеттен ушул проектти ишке ашыруу үчүн 2,5 миллиард сом бөлүнгөн», - деп айтылат расмий маалыматта.
Мындан тышкары, өкмөт башчы Ош шаарындагы «Комбинат жашылдандыруу жана көрктөндүрүү» муниципалдык ишканасы үчүн курулуп жаткан жаңы жылыжайды карап чыкты.
«Жылыжай гүлдөрдү, декоративдик өсүмдүктөрдү жана көчөттөрдү өстүрүү үчүн арналат, алар шаарды көрктөндүрүү жана жашылдандырууда колдонулат. Өкмөт башчы бул объектилерди сапаттуу жана убагында аяктоо зарылдыгын белгиледи», - деп айтылат маалыматта.
