Иш-чарада физикалык чыдамкайлык, жоокердик даярдык деңгээли, самбо боюнча көндүмдөр, ошондой эле куралды жана атайын каражаттарды колдонуу жөндөмдүүлүгү бааланды. Кызматкерлер теориялык билимдерин, практикалык көндүмдөрүн жана физикалык даярдыктарын, анын ичинде ок атуунун тактыгын көрсөтүштү.
Ар кандай оперативдик кырдаалдардагы аракеттерге өзгөчө көңүл бурулду, бул жеке курамдын өзгөчө кырдаалдарга жооп берүүгө жана коомдук тартипти сактоого даярдыгын объективдүү баалоого мүмкүнчүлүк берди.
Мындай текшерүүлөр кызматкерлердин кесипкөйлүк деңгээлин жогорулатууга, дисциплинаны бекемдөөгө жана оперативдик даярдыкты күчөтүүгө, ошондой эле жарандардын коопсуздугун камсыздоого багытталган. Бул практикалык көндүмдөрдү жакшыртууга жана Чүй облусунун ички иштер органдарынын бөлүмдөрүнүн ишинин натыйжалуулугун жогорулатууга жардам берет.
