Ал 2025-жылы ар бири 80 кВт кубаттуулукка ээ 10 заряддык станциянын орнотулушу аяктаганын белгиледи. Бул түзмөктөр тез заряддоо типиндеги станциялар катары классификацияланат.
«Биз Бишкек—Ош жана Бишкек—Каракол сыяктуу негизги шаар аралык маршруттарга көңүл буруп, айдоочуларга жолдо унааларын ыкчам заряддоого мүмкүнчүлүк берүүдөбүз», - деп кошумчалады ал.
Учурда ААК «Чакан ГЭС» 120 кВт кубаттуулуктагы жаңы электрозаряддык станцияларды жайгаштыруу үчүн өнөктөштөр менен активдүү сүйлөшүүлөрдү жүргүзүүдө.
