Бул планга ылайык, Каракол аэропортунун учуу-отуруу тилкесинин узундугун көбөйтүү боюнча иштер 30-июнга чейин аякталууга тийиш. Долбоордун аткаруучусу ГАГА компаниясы, «Кыргызстандын аэропорттору» ААКсынын макулдугу менен дайындалды. Каржылоо «Кыргызстандын аэропорттору» ААКсынын каражаттарынын эсебинен жүргүзүлөт.
Кошумча маалымат:
Каракол аэропорту саатына 250 жүргүнчүнү кабыл алуу мүмкүнчүлүгүнө ээ, ал эми анын учуу-отуруу тилкеси 2400 метр узундукта, Embraer 190 типиндеги учактарды жана ага окшош моделдерди кабыл алууга арналган. Аэровокзалдын аянты болжол менен 8 миң чарчы метрди түзөт.
