Жолугушуунун жүрүшүндө Кыргызстан менен Кытайдын ортосунда түз жүк жана жүргүнчү авиакаттамдарын уюштуруу мүмкүнчүлүктөрү талкууланды.
Ош—Кашгар маршрутуна өзгөчө көңүл бурулду, ал социалдык-экономикалык потенциалы бар маанилүү регионалдык багыт катары белгиленди.
Мындан тышкары, Нарын облусунда жана Кытайдын чек арадагы аймактарында жаңы аба чекитин түзүү авиакаттамдардын маршруттарын оптималдаштырууга мүмкүндүк берет деп белгиленди.
Кытайдын өкүлдөрү катышуучуларды Кытайда өндүрүлгөн регионалдык учактарды Кытай—Кыргызстан маршруту боюнча каттамдарды аткаруу үчүн колдонуу мүмкүнчүлүктөрү менен тааныштырды.
Талкуунун жүрүшүндө аба кемелеринин сертификатталуусу, авиациядагы эл аралык коопсуздук стандарттарына ылайык келүү, авиация кызматкерлерин даярдоо жана техникалык тейлөө уюштуруу маселелери да көтөрүлдү.
