Видеоконференция форматында Кыргызстандын жана Египет Араб Республикасының тышкы иштер министрликтеринин ортосунда консулдук маселелерге арналган биринчи консультациялар өттү.
Тышкы иштер министрлигинин маалыматына ылайык, Кыргызстандын делегациясын Консулдук департаменттин директору Сейтек Жумакадыр уулу жетектесе, Египет тараптан тышкы иштер министрлигинин консулдук маселелер боюнча жардамчысы Хаддад Эль Гохари өкүл болду.
Жыйындын жүрүшүндө ар түрдүү актуалдуу маселелер каралып, тараптар эки өлкө ортосундагы консулдук кызматташтыктын абалы жана келечеги боюнча пикир алмашышты.
Вена конвенциясына ылайык, 1963-жылдын 24-апрелинде кабыл алынган консулдук байланыштар боюнча келишимдерди кеңейтүү жана өз ара аракеттенүүгө өзгөчө көңүл бөлүндү. Консультациялардын негизги темаларынын бири эки өлкөнүн жарандарынын укуктарын жана кызыкчылыктарын коргоону камсыз кылуу, ошондой эле Кыргызстандын жана Египеттин аймагында алардын болушу үчүн ыңгайлуу шарттарды түзүү болду.
Жыйындын соңунда тараптар өз ара кызыкчылык туудурган маселелер боюнча мындан аркы кызматташууга ниеттеништи.
