Мамлекеттик салык кызматы мурда импорттолгон же өндүрүлгөн, баштапкы документтерсиз калган баалуу металлдардан жасалган зергерчилик буюмдарын легалдаштыруунун мүмкүнчүлүгүн эскертет. Бул ошондой эле салык агентинин милдеттерин аткаруудан жана жоопкерчиликтен качууга мүмкүндүк берет.
Бул чара зергерчилик буюмдардын жүгүртүүсүн тартипке салууга, бизнес жүргүзүү үчүн көбүрөөк ачык шарттарды түзүүгө жана адал салык төлөчүлөргө административдик жүктөмдү азайтууга багытталган.
Легалдаштыруунун учурунда легалдаштырууга жаткызылган буюмдар үчүн сынак жыйымдарынын төмөндөтүлгөн ставкалары колдонулат:
– алтын, платина жана палладий буюмдары, ички жана чет элдик өндүрүш, анын ичинде колдонулган буюмдар — 1 буюм үчүн 10 сом;
– күмүш буюмдары, ички өндүрүш жана чет элдик, анын ичинде колдонулган буюмдар — 1 буюм үчүн 8 сом.
Салык төлөчүлөр жоопкерчиликтен бошотулушу үчүн 2026-жылдын 1-мартына чейин электрондук эсеп-фактуралар системасында зарыл болгон электрондук документти каттоодон өткөрүшү керек.
Муну үчүн төмөнкүлөрдү кылуу керек:
1.
esf.salyk.kg сайтында электрондук эсеп-фактуралар системасына авторизациядан өтүү;
2.
«Сатып алуу» бөлүмүнө өтүп, андан кийин ДПБУ подразделине кирүү;
3.
жогорку оң бурчтагы «Кошуу» баскычын басуу;
4.
ачылган терезеде «Баалуу металлдардан жасалган зергерчилик буюмдары жөнүндө маалыматтарды киргизүү» опциясын тандоо.
5.
Опцияны тандагандан кийин электрондук документтин негизги реквизиттери автоматтык түрдө түзүлөт. Салык төлөчү документтин товардык бөлүгүн эсеп-фактураны толтуруу жана колдонуу тартибинин 19-пунктуна ылайык толтуруу керек.
Эскерте кетүүчү нерсе, электрондук документ өзгөртүүгө жатпайт жана жараксыз деп таанылбайт. Бардык маалыматтар толук, так жана каталарсыз болушу керек, анткени киргизилген маалыматтар милдеттүү түрдө эсепке алынат жана өзгөртүүгө же жокко чыгарууга жатпайт.
