Жолугушуунун жүрүшүндө тараптар жаңылануучу энергия булактарын өнүктүрүү жана туруктуу энергетикалык чечимдерди ишке ашыруу мүмкүнчүлүктөрү тууралуу негизги маселелерди талкуулашты. Эки өлкөнүн жашыл экономика тармагында кызматташуу, Улуу Британиядан инвестиция тартуу жана британдык инвесторлордун жаңылануучу энергетика долбоорлорун ишке ашыруудагы катышуусуна өзгөчө көңүл бурулду.
Талкуу ошондой эле эл аралык өз ара аракеттенүү, экологиялык таза технологияларды киргизүү жана туруктуу өнүгүүгө багытталган инициативалар темаларын камтыды.
Жолугушуунун жыйынтыгы боюнча жаңылануучу энергия булактары тармагында активдүү диалогду улантуу жана кызматташтыкты тереңдетүү боюнча макулдашууга жетишилди.
