Бул жолугушуулардын максаты — Кыргыз Республикасы менен Америка Кошмо Штаттарынын ортосунда экономикалык жана инвестициялык кызматташтыкты бекемдөө, ошондой эле экономикадагы негизги секторлордо бизнес мамилелерди кеңейтүү.
АКШдан келген катышуучулардын арасында Америка-Кыргыз Бизнес Кеңеши, Америка Кошмо Штаттарынын Эл аралык Өнүктүрүү Финансылык Корпорациясы (DFC), Невада Университети (Рино), Америка Кошмо Штаттарынын Эл аралык Билим Берүү Кеңештери, ошондой эле GE Healthcare, Pfizer, Abbott, Nasdaq, StoneX, Cove Kaz Capital Group, Mooney Group, Equion Group, All American Rail Group, Pangea-Global LLC жана TETHYS: Trans-Eurasian Gateway. сыяктуу ири эл аралык фирмаларды белгилеп кетүүгө болот.
Жолугушууларда инвестициялар, инфраструктура, саламаттыкты сактоо, билим берүү, транспорт жана логистика, ошондой эле финансылык рыноктор жана заманбап технологияларды киргизүү сыяктуу кызматташтыктын негизги багыттары талкууланды. Кыргыз Республикасындагы биргелешкен инвестициялык, инфраструктуралык, технологиялык жана социалдык долбоорлорду ишке ашыруу мүмкүнчүлүктөрүнө өзгөчө көңүл бөлүндү.
Жолугушуулардын экинчи күнүнүн аягында, 2026-жылдын 3-февралында, кыргыз жана америкалык өнөктөштөр ортосунда инвестициялык өз ара аракеттешүүнү өнүктүрүү жана биргелешкен долбоорлорду ишке ашыруу боюнча бир нече кызматташтык меморандумдарына кол коюу пландалууда.
