Жогорку Кенештин депутаты Бекмурза Эргешов Кыргыз Республикасынын сот адилеттиги боюнча кеңешинин курамына шайланды.
Соттук-укуктук маселелер, укук тартиби, кылмыштуулукка каршы күрөш жана коррупцияга каршы күрөш боюнча комитетти жетектеген Болот Борбиевдин айтымында, кеңешке кошулуш үчүн депутаттардын арасынан бир талапкерди тандоо керек болчу.
Натыйжада комитет Бекмурза Эргешов менен Кубанычбек Самаковдун талапкерлигин сунуштады.
77 депутаттын катышуусунда өткөн жашыруун добуш берүүнүн жыйынтыгында, 22 депутат Самаковдун талапкерлигин колдосо, Эргешов 52 депутаттын добушун алды, ал эми 3 адам бардыгына каршы добуш берди.
Ошентип, Бекмурза Эргешов Кыргыз Республикасынын сот адилеттиги боюнча кеңешинин курамына шайланды.
