Биринчи күнү министр Кочкор районун зыярат кылып, жергиликтүү райондук башкаруунун иши менен таанышып чыкты. Жогорку тоолуу айылдардын тургундарына ай сайын берилүүчү жардамды дайындоого жооптуу кызматкерлер менен болгон жолугушууда, ал ошондой эле адамдардын арыз берүү жана төлөмдөрдү алууда кездешкен көйгөйлөрүн изилдеди.
Жолугушууда жардамды ишке ашыруу боюнча маалымат берилди. Учурда 930 жаран БТК боюнча төлөм алууга укуктуу.
Визит учурунда министрликтин аймактык бөлүмдөрү менен жергиликтүү мамлекеттик администрациялар, ошондой эле Калкка кызмат көрсөтүү борборлору (ЦОН) ортосунда эффективдүү өз ара аракеттенүүнү орнотуунун зарылдыгына өзгөчө көңүл бурулду. Бул социалдык кызматтардын жеткиликтүүлүгүн, ачыктыгынан жана ыкчамдыгын камсыз кылуу үчүн керек.
Иш сапарынын жыйынтыгы боюнча социалдык программаларды ишке ашыруунун эффективдүүлүгүн жогорулатууга жана жерлерде пайда болгон маселелерди ыкчам чечүүгө багытталган кошумча чаралар иштелип чыгат.
