Тумонбаевдин айтымында, курулуш компаниялары квадрат метрлердин баасынын жогорулашына себеп болгон факторлордун бири Министрлик лицензиялар жана салык үчүн төлөм талап кылат деп билдиришет. «Профильдик комитет бул маселелерди изилдөөгө тийиш. Бюджет кызматкерлеринин айлыгы 30-40 миң сом болсо, Минстройдогу кээ бир кызматкерлер 500 миң сом алып жатышат, бул таптакыр туура эмес», — деди ал.
Парламенттин спикери Нурланбек Тургунбек уулу анын пикирин колдоп, көтөрүлгөн маселени абдан актуалдуу деп белгиледи. «Курулуш тармагынын өкүлдөрү бизге бул тармактагы көйгөйлөр боюнча арызданууда. Минстрой тарифтерди өзү үчүн гана пайдалуу кылып белгилейт, ал эми алардын бекитилиши Жогорку Кеңеш аркылуу өтүшү керек. Бул турак жайдын кымбатташына алып келет. Бул маселени профильдик комитетте кылдат карап, андан кийин пленардык жыйынга чыгаруу керек», — деп кошумчалады ал.
