Жолугушуунун жүрүшүндө тараптар Кыргыз Республика менен Дүйнөлүк банк ортосундагы кызматташтык маселелерин талкуулашты.
Министр өлкөдөгү учурдагы экономикалык абал тууралуу маалымат берип, акыркы жылдары Кыргызстан экономикасынын негизги секторлорун өнүктүрүүгө комплекстүү мамиле жасоонун натыйжасында туруктуу өсүп жатканын баса белгиледи.
Учурда эл аралык өнөктөш тарабынан каржылык колдоо менен ишке ашырылып жаткан долбоорлорго, ошондой эле өз ара пайдалуу өнөктөштүктү бекемдөө жана кеңейтүү боюнча келечектеги кадамдарга өзгөчө көңүл бурулду.
Дүйнөлүк банктын өкүлү, өз кезегинде, Кыргыз Республикасын колдоону улантууга даярдыгын билдирип, өлкөнүн экономикалык өсүшүндөгү оң тенденцияларды белгиледи.
Жолугушуунун аягында тараптар мурда жетишилген келишимдерди ишке ашыруу үчүн бардык мүмкүнчүлүктөрдү пайдаланууга ниеттеништи.
