Кыргыз Республикасынын Ички иштер министрлигинин буйругуна ылайык, Улан Калыбекович Бердибаев Бишкек шаарынын Ленин районунун жаңы милиция начальниги болуп дайындалды.
Бишкек Шаардык Ички иштер башкармалыгынын маалыматына ылайык, ал буга чейин шаардык Ички иштер башкармалыгында кылмыш иликтөө башкармалыгынын начальниги кызматын аткарып, оперативдик кызматта кеңири тажрыйбага ээ.
Бишкек Шаардык Ички иштер башкармалыгынын начальниги Азамат Токтоналиев жаңы жетекчини жеке курамга тааныштырды жана анын алдында маанилүү милдеттер турганын баса белгиледи. Алардын катарында укук тартибин бекемдөө, бөлүмдөрдүн ишинин натыйжалуулугун жогорулатуу, ошондой эле алдын алуу чараларын күчөтүү жана Ленин районунун аймагында коопсуздукту камсыздоо бар.
Ленин районунун мурдагы милиция начальниги Азамат Байгазиев учурда Кыргыз Республикасынын Ички иштер министрлигинин карамагында.
