Кыргызстанда 2025-жылдын 11 айында тамак-аш продукциясынын өндүрүшү 20% дан ашык өстү

- Статистикалык маалыматтарга ылайык, 2025-жылдын январь айынан ноябрь айына чейин Кыргызстанда тамак-аш продукциясынын өндүрүшүнүн көлөмү 66,7 миллиард сомду түздү.

Салыштыруу үчүн, 2024-жылдын ошол эле мезгилинде бул көрсөткүч 55,8 миллиард сомду түзгөн.

Физикалык көлөмдүн индекси 121,9% га жетип, бул өткөн жылга салыштырмалуу 20% дан ашык реалдуу өсүүнү көрсөтөт.

2025-жылдын ноябрь айында тамак-аш продукциясынын өндүрүшү 7,23 миллиард сомду түздү, бул 2024-жылдын ноябрь айындагы 6,63 миллиард сомго салыштырганда жогорулаган. Бул айда физикалык көлөмдүн индекси 107,2% ды түзүп, бул тармакта оң тенденциянын улантылып жатканын билдирет.