Анын маалыматы боюнча, бетондоо Кепер-Арык жана Сыйдалы (Чоң-Арык) айылдарынын ортосундагы тоонун этегинде жайгашкан каналга жүргүзүлүүдө. «Бул процессинин негизги максаты — айыл чарба участкаларына сугат суусун ишенимдүү жеткирүү жана фермерлер үчүн ыңгайлуу шарттарды түзүү. Бетон каптоо 3 чакырымга туура келген 10 миң квадрат метр аянтка төшөлүүдө. Азыркы учурда каналдын 700 метрлик бөлүгүндөгү иштер аяктаган. Бетондоо иштери аяктагандан кийин Ак-Суй айылдык аймагындагы 600 гектар айыл чарба жерлери туруктуу сугат алат», — деп белгиледи башкы инженер.
Мындан тышкары, ал бул иштер Суу ресурстары, айыл чарба жана кайра иштетүү өнөр жайы министрлиги тарабынан иштелип чыккан программа алкагында жүргүзүлүп жатканын баса белгиледи.
