Министрликтин маалыматына ылайык, Кыргызстанда өндүрүлгөн гүл продукциясы жергиликтүү базарда гана эмес, анын чегинен тышкары, айрыкча коңшу мамлекеттерде да суроо-талапка ээ.
«Ар жылы гүлдөрдүн экспортунун көлөмү өсүп жатат. Мисалы, 2024-жылы 13 миллион 49 миң 405 даана экспорттолгон. 2025-жылы бул көрсөткүч кыйла жогорулап, 24 миллион 99 миң 696 даанага жеткен», - деп билдирилет маалыматта.
Мындан тышкары, министрликте 2026-жылдын январь жана февраль айларында Кыргызстандан 17 тонна, бул 213 миң 745 гүлгө барабар болгон жүктөр жөнөтүлгөндүгүн кошумчалашты. Өзбекстан бул партиянын негизги сатып алуучусу болуп, кыргыз гүл продукциясын импорттоочулар арасында лидерлик орунду ээлеп турат.
