Көргөзмө айыл чарба техникаларынын кеңири ассортиментин, жогорку сапаттагы үрөндөрдү, көчөттөрдү, тыңайткычтарды жана тамчылатып сугаруу системаларын көрсөтөт. Иш-чаранын катышуучулары Кыргызстан, Өзбекстан, Тажикстан жана Кытайдан келген өндүрүүчүлөр болду.
Көргөзмө учурунда агрономдордун мастер-класстары, каржылоого байланыштуу консультациялар, ошондой эле көңүл ачуучу программа жана сыйлыктарды утуп алуу өткөрүлөт.
Мэриядан билдиришкендей, бул көргөзмөнүн негизги максаты фермерлер арасында тажрыйба алмашуу, өнөктөштүк мамилелерди орнотуу жана агрардык секторго инвестиция тартуу болуп саналат.
