2026-жылы Кыргызстан 75 кайра иштетүүчү ишкананы ачуу пландарын ишке ашырууга киришет. Бул жергиликтүү продукциянын сапатын жана атаандаштыкка жөндөмдүүлүгүн жогорулатууга, өндүрүш секторун модернизациялоого жана сүт, эт, жемиш жана жашылча продукциясын кайра иштетүүнүн көлөмүн көбөйтүүгө багытталган мамлекеттик программанын бир бөлүгү болуп саналат, бул өз кезегинде тамак-аш өнөр жайын өнүктүрүүгө көмөктөшөт.
Агроөнөржай министрлиги тарабынан берилген маалыматка ылайык, 2026-жылы төмөнкү аймактарда ишканаларды ачуу пландалууда:
- Чүй облусу — 8;
- Жалал-Абад облусу — 14;
- Ош облусу — 9;
- Ысык-Көл облусу — 12;
- Нарын облусу — 15;
- Баткен облусу — 9;
- Талас облусу — 8.
10 соода-логистика борбору;
6 жемиш жана жашылчаларды сактоо үчүн муздаткыч;
5 дан эгиндерин кайра иштетүүчү завод (ун, макарон жана кондитердик буюмдарды өндүрүү кирет);
14 жашылча жана жемиштерди кайра иштетүүчү ишкана;
8 сүт завод;
8 эт кайра иштетүүчү завод (анын ичинен 6сы канаттууларды кайра иштетүүгө арналган);
1 күрүчтү кайра иштетүүчү завод;
10 союу цехи;
5 жүндү кайра иштетүүчү ишкана;
2 балык кайра иштетүүчү завод;
1 дары чөптөрдү кайра иштетүүчү ишкана;
1 минералдык суу өндүрүүчү завод;
3 комби азыктарын өндүрүүчү завод;
1 балды кайра иштетүүчү ишкана.
Министрликтин маалыматына ылайык, бул долбоорлорду ишке ашыруу үчүн жалпы бюджет 6 миллиард 203 миллион сомду түзөт. Каржылоо мамлекеттик жеңилдетилген кредиттер, жеке инвестициялар жана эл аралык уюмдардын каражаттары аркылуу камсыздалат. Жаңы кайра иштетүүчү ишканалардын ишке кириши жергиликтүү продукциянын өндүрүшүн гана эмес, ошондой эле аймактарда жаңы жумуш орундарын түзүп, өлкөнүн экспорттук потенциалын жогорулатат деп күтүлүүдө.
