2026-жылдын 1-апрелинен баштап авиаперевозчик Centrum Air Ташкент менен Ош арасында туруктуу рейстерди аткара баштайт. Бул тууралуу ОАО "Международный аэропорт "Манас" (Кыргызстандын аэропорттору) маалымат кызматы билдирди.
Рейстер жумасына эки жолу - шаршемби жана жекшемби күндөрү жүргүзүлөт. Бул учууларды аткаруу үчүн заманбап узун фюзеляждуу Airbus A320 учактары колдонулушу пландалууда. Жаңы маршруттун ачылышы эки мамлекеттин ортосундагы туристтик жана бизнес байланыштарды жакшыртууга, ошондой эле Фергана өрөөнүнүн тургундары үчүн логистиканы жеңилдетүүгө жардам берет деп күтүлүүдө.
2023-жылы негизделген Centrum Air Өзбекстандын жеке авиакомпаниясы болуп саналат. Компаниянын штаб-квартирасы Ташкентте жайгашкан, ал эми анын флоту 14 учактан турат.
