Netflix'тин билдирүүсүндө "Paramount Skydance'тын акыркы сунушуна ылайык, учурдагы баа менен келишимдин финансылык тартымдуулугу жоголду" деп айтылган. Компаниянын өкүлдөрү болжолдонгон келишимди "жакшы бонус" катары мүнөздөгөн, бирок "милдеттүү сатып алуу" деп эсептешкен эмес.
Warner Bros. үчүн күрөштү токтотуу тууралуу жарыяланган соң, Netflix'тин акциялары Bloomberg'дин маалыматына ылайык, 8% га жогорулады.
Тарых
Акыркы бир нече айдын ичинде Paramount жана Netflix Warner Bros. активдери үчүн атаандашып келишти. 2025-жылдын 5-декабрында Netflix Warner Bros. кино компаниясын жана HBO Max стримингдик кызматын $82,7 миллиард (акциясына $27,75) суммага сатып алууну пландап жатканын билдирди. Жооп катары Paramount биринчи кезекте Warner Bros. компаниясын, анын ичинде CNN, TNT Sports жана Discovery сыяктуу каналдарды $108 миллиард ($30 акциясына) суммага сатып алууну сунуштады, андан кийин акциясынын баасын $31 га жогорулаткан. Мындан тышкары, Paramount Skydance Warner Bros. Netflix'ке мурдагы келишимди жокко чыгарганда төлөшү керек болгон $2,8 миллиард айыпты төлөөнү өзүнө алууга макул болду.
