Президент өлкөнүн экономикасы үч эсе өскөнүн баса белгиледи.
Республикалык жыйында Президент Садыр Жапаров 2025-жылга карата Кыргызстандын валовой ички продуктусу (ВВП) 22,6 миллиард доллардан ашканын билдирди.
Ал 2020-жылы ВВП 8,3 миллиард доллар деңгээлинде болгонун, ал эми 2025-жылга карата үч эсе көбөйүп, 22,6 миллиард долларга жеткенин белгиледи.
«Акыркы беш жылда салык түшүүлөрү төрт эсе, бажы жыйымдары алты эсе, ал эми салыктык эмес кирешелер дээрлик тогуз эсе өстү. 2021-жылы консолидирленген бюджет 313 миллиард сомду түзсө, 2025-жылга карата 1 триллион 100 миллиард сомдон ашты, бул 3,5 эсе өсүүнү билдирет. Мындай жетишкендиктерди өлкө тарыхында эч качан көргөн эмес», — деп кошумчалады президент.
