Министрликтин маалыматына ылайык, сугаруу айыл чарба ишканалары үчүн да, жеке жер ээлери үчүн да жүргүзүлгөн. Жалпысынан 404 юридикалык жак жана 77 миң 143 жеке колдонуучу сугаруу менен камсыздалган.
Отчеттук мезгилде 550,1 км ирригациялык каналдар жана 593 гидротехникалык курулуштар, анын ичинде 174 суу өлчөө посту, 91 насос станциясы жана 156 насос агрегаты курулган. Мындан тышкары, 179,5 км коллектор-дренаж системалары тазаланып, калыбына келтирилген, ал эми 19 насос агрегаты алмаштырылган.
Министрлик 2014-жылдан бери 796 айылдык пункт таза ичүүчү суу менен камсыз болгонун белгиледи. 2025-жылдын ноябрь айынын аягына карата 601 айылда иштер уланууда. Алардын ичинен 123 айылда долбоорлор аяктаган, 121 айылда курулуш уланууда, 74 айылда долбоордук-сметалык документация даярдалууда, ал эми 283 айыл үчүн керектүү документтер жыйналууда.
