Экономика жана соода министрлиги (ЭСМ) «Торговая компания Кыргызской Республики» акционердик коомунун жоюлушу боюнча расмий түшүндүрмө берди. Ведомстводон алынган маалыматка ылайык, аталган акционердик коом 2026-жылдын 10-февралында Кыргыз Республикасынын мыйзамдарына ылайык жоюлган.
Ал эми TRADECO.KG доменине келсек, мурда «Торговая компания Кыргызской Республики» акционердик коомуна катталган, ЭСМ 2024-жылдын 1-октябрында компания менен домен аттарын каттоочу «Азия Инфо» арасында бир жылга доменди каттоо боюнча келишим түзүлгөнүн тактады. Бирок компаниянын жоюлушу жана келишимдин мөөнөтүнүн аякташы менен домендин каттоосун узартуу ишке ашкан эмес.
Мындан тышкары, 2025-жылдын 17-октябрында «Азия Инфо» каттоочусу менен TRADECO.KG домен атын башка юридикалык жакка каттоо боюнча жаңы келишим түзүлгөн. Маанилүү жагдай, каттоочу жаңы домен ээси тууралуу маалыматты мыйзамдын талаптарына ылайык сыр бойдон сактап келет.
Ошентип, бүгүнкү күндө «Торговая компания Кыргызской Республики» акционердик коому TRADECO.KG доменинин ээси эмес, анын аркылуу эч кандай ишмердүүлүк жүргүзбөйт жана ушул интернет-ресурста жайгаштырылган маалымат үчүн жоопкерчилик тартпайт.
