«АгроДиалог-2026» форумунун үчүнчү күнү, Суу ресурстары, айыл чарба жана кайра иштетүү өнөр жайы министрлигинин колдоосу менен өтүп, бир катар маанилүү иш-чаралар өткөрүлдү. Продукцияны кайра иштетүү боюнча чемпиондорду министр Бакыт Торобаев тосуп алып, кызыл килемде жеке өзү кабыл алды.
Форумдун жүрүшүндө алар «Кайра иштетүү кошумча наркты жогорулатуу факторы катары», «Агробизнесте заманбап технологиялар жана упаковка материалдары», «Продукциянын сапаты эл аралык рынокторго кирүү билети катары», «Агроөнөр жай продукциясын экспорттоо: талаптар жана стратегиялар», «Экспортко багытталган бизнес жана практикалык мисалдар», «Экспортду каржылоо, тобокелдиктер жана инфраструктуралык аспекттер», «Агроэкспортдун келечеги: кайра иштетүү, инновациялар жана туруктуу өнүгүү» сыяктуу негизги маселелерди талкуулашат.
Форум 18-февралдан 20-февралга чейин Кыргыз улуттук агрардык университетинин дубалдарында өтүүдө.
