2026-жылы Баткен электр тармактары 220/110/35 кВ чыңалуудагы аба электр линияларында жайгашкан 8 миң 772 эски изоляторду алмаштырууну пландаштырууда.
Компаниянын маалыматына ылайык, 2026-жылга арналган пландын негизинде иштер төмөнкүдөй бөлүштүрүлөт:
Кызыл-Кий участогунда 4 миң 200 изолятор алмаштырылат;
Сулюктун участогунда — 1 миң 572;
жана Баткен участогунда — 3 миң изолятор жаңы айнек варианттарына жаңыртылат.
Бул иш-чаралар 2026–2027-жылдардын күз-кыш мезгилине электр тармактарын даярдоо алкагында өткөрүлүп, иштер марттан ноябрга чейин этап-этабы менен жүргүзүлөт. Бул иштер аяктагандан кийин жогорку чыңалуудагы аба электр линияларынын техникалык абалы жакшыртылып, керектөөчүлөр үчүн электр энергиясынын сапаты жана туруктуулугу жогорулайт деп күтүлүүдө.
Мындан тышкары, 2025-жылы ошол эле чыңалуудагы аба электр линияларында 7 миң 200 эски изолятордун толук алмаштыруусу жүргүзүлүп, натыйжада 7 миң 513 жаңы айнек изолятор орнотулганын белгилеп өтүү керек.
