Ошондой эле депутат Токтобубу Ашимбаева Кыргызстандын Монголияга иштетилген жүн, авиациялык керосин жана мунай продуктыларын жеткирүүнү пландап жатканын белгиледи. Ал Кыргызстандын өзү авиациялык керосинди чет өлкөдөн импорттогондуктан, анын экспортунан күмөн санарын билдирди.
Бул боюнча орун басар министр реэкспорт тууралуу сөз болуп жатканын, бул жергиликтүү ишкерлерге киреше алып келерин түшүндүрдү. Жыйында ошондой эле «Евразия экономикалык биримдиги жана анын мүчө мамлекеттери менен Монголиянын ортосундагы убактылуу соода келишимин ратификациялоо жөнүндө» мыйзам долбоору талкууланды, ал Минск шаарында, Беларусь Республикасы, 2025-жылдын 27-июнунда кол коюлган (биринчи окуу).
