Жүзүмчүлүктү өнүктүрүү максатында өлкөгө Сербиядан көчөттөр алып келинди. Бул өсүмдүктөр фитосанитардык карантинден өтүп, вируссуз жана техникалык сорттордун негизинде тандалган.
Мындан тышкары, Баткен облусунун Лейлек районунда жүзүмчүлүктү өнүктүрүү боюнча активдүү чаралар көрүлүүдө. Жаны-Жер айылдык аймагында жергиликтүү кооперативдер "аватар" жана "кишмиш" сортторунун көчөттөрүн өстүрүү менен алектенишет. "Аватар", "маникюр фингер" жана "кишмиш" сортторунун көчөттөрүн өндүрүүгө багытталган жаңы питомниктин ачылышы да ишке ашырылууда.
