Кечээ Кыргыз Республикасынын президентинин алдындагы Инвестициялар боюнча улуттук агенттигинде испандык Solartec World Company S.L. компаниясынын делегациясы менен жолугушуу өттү. Жолугушууда өлкөдөгү мүмкүн болгон инвестициялык долбоорлор талкууланды, деп билдирди агенттиктин маалымат кызматы.
Переговорлордун натыйжасында биргелешкен долбоорлорду ишке ашыруу боюнча кийинки кадамдар аныкталды, анын ичинде техникалык мүнөздөмөлөрдү иштеп чыгуу, объектилерди орнотуу үчүн жерлерди тандоо жана инвестициялык келишимди даярдоо.
Жолугушуунун жүрүшүндө күн энергиясын генерациялоо үчүн фотоэлектрдик панелдерди орнотуу пландары жана экологиялык таза ылдам курулган үйлөрдү өндүрүү менен алектенчү үй куруу комбинатын куруу тууралуу көңүл бурулду.
Ошондой эле жаңылануучу энергия булактары боюнча заманбап технологиялар, "жашыл" экономикасын өнүктүрүү, жаңы жумуш орундарын түзүү жана курулуш материалдарын жергиликтештирүү маселелери талкууланды.
Solartec World Company S.L. компаниясынын өкүлдөрү өзүнүн технологиялык иштеп чыгуулары менен тааныштырды жана Кыргыз Республикасы менен узак мөөнөттүү кызматташууга кызыкдар экенин белгилешти.
