Министрлик электрондук кезекке кирүү мүмкүнчүлүгү i-Dyikan платформасы аркылуу берилерин билдирди.
Министрликтен билдиришкендей, фермерлер төмөнкү мүмкүнчүлүктөрдү пайдалана алышат:
- платформада катталуу;
- жеңилдетилген кредитке арыз берүү;
- банкка алыстан кезекке жазылуу;
- онлайн режимде арыздын статусун көзөмөлдөө.
Ошол эле учурда кредиттик каражаттарды берүү белгиленген критерийлерге жана жеңилдетилген финансылык программалардын талаптарына ылайык жүргүзүлөт.
Министрликте санариптик технологияларга өтүү мамлекеттик кызматтарды электрондук форматта алууга мүмкүнчүлүк түзөрүн жана бюрократиялык процедураларды кыскартууга жардам берерин баса белгилешет.
