Ошентип, товарларга болгон менчик укугу кыргызстандык сатууда, продукция акыркы сатып алуучуга сатылганга чейин калат.
Бул себептен, товарларды Россиядагы складдарга алып келүүдө КНС алынбайт, ал эми алар сатылган сайын эсептелет.
Тиркөө үчүн талап кылынган документтер
• CMRде кабыл алуучу катары электрондук соода платформасы көрсөтүлөт.
• Россия Федерациясынын нормаларына ылайык товардык-транспорттук накладная (ТТН) түзүлүшү керек.
• CMRге товар боюнча спецификацияны тиркөө керек.
• Казакстан аркылуу товарларды өткөрүү үчүн коштоочу эсеп-фактура талап кылынат.
Элимбек Каныбек уулу электрондук соода үчүн жөнөкөйлөтүлгөн формат иштелип чыкканын белгиледи: салттуу "сатып алуучу" жана "сатуучу" терминдеринин ордуна "жөнөтүүчү" жана "кабыл алуучу" терминдери колдонулат.
Ошондой эле Россиянын аймагында маркировкаланган продукцияны текшерүү маселеси талкууланды. Министрликтин экономикалык бөлүмү, маркировка системасынын баштапкы моделинде кабыл алуучуну көрсөткөн милдеттүү талап жок экенин тактады. Россия Федерациясынын Өнөр жай жана соода министрлиги жана система оператору менен биргеликте контролдоо органдарына тиркемелердин маалыматтарына шилтемелер санкцияларды колдонууга негиз болбой тургандыгы боюнча түшүндүрмөлөр берилди.
Маалымат үчүн
CMR (ЦМР) — бул эл аралык товардык-транспорттук накладная, ал жүк ташуу келишимин автомобиль транспорту аркылуу катышуучу өлкөлөр арасында тастыктоочу документ. Ал чек араларды кесип өтүүдө тараптардын (жөнөтүүчү, жүк ташуучу, кабыл алуучу) жоопкерчилигин жөнгө салуу үчүн колдонулат.
