Кыргыз Республикасынын Улуттук банкы учурда алтынга болгон кызыгуунун инвестициялык жана спекулятивдик мүнөзгө ээ экенин белгилейт.
НБ КР өкүлдөрүнүн айтымында, "алтын куймаларынын баасынын кескин көтөрүлүшү эл арасында кыска мөөнөттүү операцияларга болгон күтүүлөрдү жаратууда. Бирок, алтын узак мөөнөттүү инвестициялар үчүн актив катары каралат, аны көпчүлүк адамдар тобокелдиктерди диверсификациялоо жана өз каражаттарынын сатып алуу жөндөмдүүлүгүн коргоо үчүн колдонушат".
Улуттук банк ошондой эле алтын өлчөмдүү куймаларынын акыркы бааларынын төмөндөшү эл аралык рыноктогу баалардын түшүшү менен байланыштуу экенин билдирет, бул 2026-жылдын январь айында баалардын бир айдын ичинде 20% дан ашык көтөрүлүшүнөн кийин болду. Ошентип, алтын өлчөмдүү куймаларынын баасын аныктаган негизги фактор дүйнөлүк алтын баасы болуп калууда.
