Банктың басма сөз кызматы билдиргендей, бул иш-чара монеталарды өндүрүүчүлөрдү, монета сарайларын, улуттук банктарды, ошондой эле дүйнөнүн бардык жеринен нумизматтарды жана эксперттерди бириктирген эң ири иш-чара болуп саналат. Ар жылы көргөзмөгө 50дөн ашык өлкөдөн 300гө жакын катышуучу тартылат.
НБ КРдин бул көргөзмөгө катышуусунун негизги максаты — өлкөнүн улуттук валютасы аркылуу маданий мурастарды жана тарыхты көрсөтүү жана популяризациялоо.
30дан ашык банкнот жана коллекциялык монеталар көргөзмөгө коюлган, анын ичинде «Тарыхый окуялар», «Кыргыз каганатынын доору», «Кыргызстандын тарыхый жана архитектуралык эстеликтери», «Кыргыздын салттары жана жөрөлгөлөрү», «Улуттук музыкалык аспаптар», «Улуттук спорт түрлөрү жана элдик оюндар», «Көчмөндөрдүн дүйнөлүк оюндары» жана «Кыргызстандын кызыл китеби» сыяктуу сериялар бар.
