Ал Америка Кошмо Штаттарынан келген инвестициялар финансылык ресурс катары гана эмес, технологиялар жана башкаруу стандарттарынын булагы катары да маанилүү роль ойнорун белгиледи. Амангельдиев өсүү үчүн жогорку потенциалга ээ тармактарды, анын ичинде IT, креативдик экономика, логистика жана финансылык кызматтарды бөлүп көрсөттү.
Өз сөзүндө Кыргызстан бизнес климатын жакшыртуу үчүн кабыл алынган чаралар тууралуу да айтып берди: электрондук кызматтарды киргизүү, каттоо жана лицензиялоо процессин жөнөкөйлөтүү, инвесторлордун укуктарын коргоо жана сот системасын модернизациялоо.
Болжолдорго ылайык, 2025-жылдын аягына чейин Кыргызстан экономикасы 11,1%га өсөт. Мамлекет 800 миллион доллар суммадагы суверендик еврооблигацияларды ийгиликтүү жайгаштырды жана инвестицияларга байланыштуу жаңы мыйзамды кабыл алды.
Мындан тышкары, Амангельдиев региондо Burberry, Mastercard, FedEx, John Deere жана Chevrolet сыяктуу эл аралык компаниялардын активдүү иштеп жатканын белгиледи.
