4-февралдан 6-февралга чейин Бишкекте «B5+1» экинчи бизнес-форуму өтөт. Бул маанилүү иш-чара Кыргызстандын министрлер кабинетинин колдоосу менен уюштурулуп, бизнес-лидерлер менен Борбордук Азия жана АКШ өкмөттөрүнүн ортосунда диалог түзүү үчүн платформа түзүүгө багытталган.
Форумдун максаты региондогу экономикалык кызматташтыкты күчөтүү жана мамлекеттик жана жеке секторлордун ортосунда продуктивдүү диалогду орнотуу. Талкууланчу негизги темалар айыл чарба, банк жана каржы тармагы, критикалык маанидеги минералдык ресурстар, ошондой эле электрондук соода, маалыматтык технологиялар, транспорт, логистика жана туризм сыяктуу тармактарды камтыйт.
«B5+1» биринчи форуму 2024-жылдын 14-15-мартында Алматыда өтүп, он өлкөдөн 250дөн ашык катышуучуну чогултту, анын ичинде бизнес өкүлдөрү жана кызыкдар тараптар бар.
«B5+1» форумы Борбордук Азиянын беш өлкөсүн (Казакстан, Кыргызстан, Тажикстан, Түркмөнстан, Өзбекстан) жана Америка Кошмо Штаттарын бириктирген «C5+1» дипломатиялык платформасынын бизнес эквиваленти болуп саналат.
