Мэр 2025-жылдагы иштин жыйынтыктарын айтып, 2026-жылга негизги максаттарды белгиледи, тартип, жоопкерчилик жана дисциплинанын маанилүүлүгүн баса белгиледи.
Жыйындын жүрүшүндө бир нече багыттар боюнча отчеттор угулду. Социалдык бөлүмдүн жетекчиси Молдояр Ураимов жардамга муктаж жарандар үчүн колдоо чаралары, ошондой эле өткөн жылы ишке ашырылган жөлөкпулдар жана программалар тууралуу маалымат берди.
Кадр маселелери боюнча сектордун жетекчиси Наргиза Соорбекова өзүнүн ишмердүүлүгү тууралуу отчетун сунуштап, эмгек дисциплинасын жана документ жүгүртүүнү баса белгиледи.
Бөлүм жетекчилери 2026-жылга пландарын бөлүшүп, конкреттүү тапшырмаларды аныкташты. Тазалык, инфраструктура жана социалдык маселелер талкууланды. Кемчиликтерди жоюу үчүн жооптуулар белгиленди жана тиешелүү көрсөтмөлөрдү алышты.
Жыйынтыктай келе, мэр ишти убагында жана сапаттуу аткаруунун маанилүүлүгүн, ошондой эле жарандардын кайрылууларына көңүл буруунун зарылдыгын баса белгиледи. Ал 2026-жыл жоопкерчилик жана натыйжалуулук жылы болушу керектигин белгилеп, жылдын башынан эле шаарга инвесторлор келе баштаганын, бул жакшы натыйжаларды алып келиши мүмкүн экенин кошумчалады.
