Бишкекте, 4 жана 5-февралда, B5+1 форуму өтөт. Бул тууралуу Кыргыз Республикасынын Экономика жана коммерция министрлиги маалымдады.
Министрликтин билдирүүсүнө ылайык, бул форум Борбордук Азия өлкөлөрү менен АКШны бириктирген C5+1 дипломатиялык форматынын алкагында маанилүү бизнес-платформа болуп саналат. Иш-чаранын уюштуруучулары КРнын министрлер кабинетинин жана Эл аралык жеке ишкердик борборунун (CIPE) өкүлдөрү.
Форумда Борбордук Азия менен Америка Кошмо Штаттарынын ортосунда диалогду орнотууга жана өнүктүрүүгө кызыкдар жеке сектордун өкүлдөрү, бизнес ассоциациялары жана эксперттердин катышуусу күтүлүүдө.
