Келдибаевдин айтымында, жаңы бир кабаттуу имарат айыл өкмөтү тарабынан берилген 720 квадрат метр аянтка курулган. Курулуш Энергетика министрлигинин колдоосу менен жүргүзүлдү. «Ишкерлер мурда металл вагондо иштеп келишкен, анткени өздөрүнүн жайы жок болчу», — деп кошумчалады ал.
Ошондой эле, жаңы ПЭС имараты заманбап техникалык жабдуулар менен толук камсыздалгандыгы маалым болду. Курулуш иштери 2025-жылдын 20-июнунда башталган.
Проекттин заказчысы «НЭСК» акционердик коом, ал эми подрядчысы — ОсОО «Азия Вей» болду. Тендердин жалпы баасы 9 миллион 670 миң 34 сомду түздү.
